Instagram Public Photos with #هبه_مجدى

لو في يوم قررتي تبصي ورا ممكن تشوفي الدرس، بلاش تشوفي الحدث بكل تفاصيله وآلمه، بلاش تفتحي كل يوم باب الذكريات المؤلمة اللي مريتي بيها، سامحي الماضي بإنك تاخدي الدروس منه، سامحي البشر علشان قلبك يفضل صافي ومش شايل من حد، صالحي حياتك ونفسك وأخطائك، جلد نفسك مش هيحل مشكلة عدت، بس البداية في الحل هي إنك تشوفي المشكلة وبعدين تنسيها وتفكري في الحلول وتبدأي فيها، الحياة قصيرة خدي الدرس وادعي ربك يعينك على الطريق وعلى الحياة وعلى نفسك وعلى قلبك.. ادعي ربك يفضل قلبك سليم وصافي وروحك صادقة.. #هبه_مجدى

comment 6 star 186 3 days ago

دايما اسمع جملة "محدش عارف الخير فين"
و دايما لما بيكون اتنين سابوا بعض او شغل و باظ او فرصة و راحت بس عمري ما عرفت معناها اللى بجد الا مؤخرا
كام مشكلة حصلت زمان و جالك اكتئاب ساعتها و كانت نهاية الكون و دلوقتي مميزات المشكلة دي بانت؟
كام شخص كانت خسارته عندك صعبة و دلوقتي بقيت مكسب؟
كام شغل راح من ايديك بس ربنا عوضك باللي احسن منه؟
حاجات كتير مش بتبان دلوقتي، مش لازم بعدها على طول، بس فى الاخر هتبان..
كل حاجة هتبان كانت ليه فى اولها وحشة اوي بس لما صبرت عليها و كان عندك ايمان انها خيير.. بقيت خيير

اشخاص كتير خسرتهم فى حياتي و دلوقتي بقول الحمدلله على دي نعمة، من غيرهم مشاكل أقل، وجع الدماغ قل، و لو كانوا لسة موجودين ربنا اللى عالم الدنيا كانت هتبقى عاملة ازاي

الرضا بقضاء ربنا، ارضوا بقضائه مهما حصل
و قولوا الحمدلله و ريحوا قلبكم
و لو حاجة شر حصلت بلاش زعل
ان مع العسر يسرا.. و عشان محدش عارف الخير فين ..
#الحمدلله #هبه_مجدى

comment 2 star 197 last month

الفگرة كلها إننا بنحبس نفسنا ف جزء معين فى حياتنا اللى هو كان ماضى وعدى خلاص بنفتكر اننا مش هنقدر نتجاوز الجزء دا ونفضل نكبر جوانا احساس الضعف .. اللى هو لا انا ضعيف .. لا انا مش هقدر اتجاوز الجزء دا واعيش حياتى طبيعى
كل الكلام دا مش هيحصل إحنا مش أضعف وهنقدر نمشى وهنعيش عادى جدا والله كل دى وساوس فى دماغنا احنا ..
الماضى بيفضل يشدنا لورا؛
والحاضر بيحاول يخلينا ازاى نقف مكانا
والمستقبل اللى فاتح درعاته ومستنينا..
الى بيكسب فيهم هو الى بيتحكم فى شكل حياتنا
وبعد ما نعدى الجزء دا ونتأكد اننا مش اضعف ولا حاجة نلاقى نفسنا بنواجه وسواس قهرى اصعب ! اللى هو انا مش مرتاح كدة انا عاوز ارجع تانى .. ادى فرصة تانية .. احاول .. جايز .. انا شارى لدرجة انى عاوز افضل اجازف يمكن !
عارفين انه غلط ومينفعش ومش هينفع بس مستنين المعجزة !
الناس اللى عايشة حياتها مبسوطة وراضية مفيش اى معجزات حصلت ليهم بس لسة عندهم امل ! مصدر الامل دا جايلهم منين وكل حاجة حوليهم بتأكدلهم انه لا والدنيا سودا و الوان غامقه بس مش عايزين يستسلموا للهم و الحزن
من الغلط اننا نوهم نفسنا ان الحياه وقفت و كل حاجه انتهت طول ما احنا كل يوم بنصحي وبنشوف يوم جديد دي رحمه من ربنا بدايه ليوم مختلف احنا الي بنحبس نفسنا ف وهم
جرب تشيل كل حاجه من تفكيرك و متفكرش في اي حاجه بتضايقك وتقعد ف جو حلو مع موسيقى هاديه ، جرب تعمل كدا ف يومك هتحس ان كل حاجه احسن 🌹

#هبه_مجدى

comment 1 star 227 July 2018